Sabtu, 18 Juli 2009

Hacking Windows Xp,Tips and tool

Haloo..duile bener bener minggu ini capek bener, abis tiap hari ngumpul di pos ngurusin anak anak nyang pada ngadain lomba 17an.
tapinya seru juga sih, seneng ngeliat semua warga pada akur ngikutin lombanye. ada nyang kate lomba lari laki bini, ada lomba balap karung, ada juga adu kuat kuatan makan jengkol..
weleh weleh, kok ane ngelantur ampe lomba segala yak. maapin dah abisnye masih gress nih, kite selaku warga negara nyang pura pura baek pan musti merayaken nyang kate hari kemerdekaan negara kite, ya nggak.hacking windows xp
langsung aje nih, ane mau bagi bagi buku nyang pastinye penting buat temen temen gratisan mania nyang pake komputer windows xp. sebab buku nyang ane mau bagi ni isinye pegimane kite ngobrak abrik windows xp biar sesuai ama selera kite.
namanye aje Hacking Windows Xp,Tips and tool for optimizing your os. Pastinye pan isinye pegimane caranye buat kite bikin komputer windows xp kite nih optimal, larinye kenceng kagak ndut-ndutan,tenaga mesin tu dipakai maksimal.

naah dimari dibahas semua nyang begono no,komplit dari registry ampe tool tool rahasia nyang kagak semua pemakai windows ngarti makenye.
Ane yakin, kalo temen temen gratisan mania pada bener bener pelajarin ni buku, tetangga tetanga pasti kagum dah ama ente pade,
sebab udah pasti dianggep pinter komputer. Namanye emang ada kata hacking, ntu bukan berarti ni buku ngajarin jahat kagak, tapi ngasih tau celah celah daripada windows xp, ya tergantung orangnya sih kali ye,
kalo ada nyang kepikiran jahat mah bisa aja sih dipake buat ngerjain temennye. tapi tujuan daripasa dibuatnya ni buku baik adanya, biar supaya para pembacanya tambah pinter.

yaudah, persoalan ilmunye ntar bakal dipake pegimane ntu urusan belakang, nyang pasti sekarang sok angkut aja bukunye, trus pelajarin dah..dikit dikit dipraktekin di komputer masing masing. pesen ane sih sebelum ngotak atik mengding di back up dulu sistem apa segala macemnye jadi kalo mentok saking asiknye ngobrak abrik kagak bisa balikin,
ntar di restore jadi kayak semula dah. ok dah ni buku gratis bebas download, selamet nyoba dah.

Klik download disini!

0 komentar:

Posting Komentar

 
Design by Free WordPress Themes | Bloggerized by Lasantha - Premium Blogger Themes | Macys Printable Coupons