Sabtu, 18 Juli 2009

Adobe Photoshop CS 3 for Dummies

ehm..ehm..assalamualaikuum..masih semangat aja kan pada yak, biar kata puasa kita mah musti streng, hebring kalo kata nyak odah mah. ane selaku pengasuh daripada blog gratisanmania ini ngucapin selamet ngejalanin ibadah puasa. moga moga dikasih kekuatan kesabaran selalu ama sehat juga, biar puasa taon ini bisa sukron fathonah.
ngomong ngomong soal bulan puasa nih, kemaren pas sholat taraweh dimasjid nurul khotimah nyang diseberang gang. ane ada kejadian lucu,sudah tradisi pan kalo awal puasa mesjid pada penuh tuh ama jamaah nyang mendadak rajin. nah saking penuhnya nyang udah terlanjur didalem susah keluarnye nyang terlanjur diluar susah masuknye. Ane kebetulan ada didalem tuh,kusuk aja pan dengerin kyai lagi khotbah sebelum sholat taraweh. ada satu anak didepan ane nyang gelisah aje dari tadi, ane perhatiin cuman kagak peduli peduli amat. giliran waktunye sholat dimulai,pada bediri dah semua,imam mulai mimpin jamaah.pas mau ruku' tiba tiba dari depan ane ada suara nyaring nyang dibarengin ama umpatan, "bruut"..ada nyang nyeletuk"alah bujuuk,sapa nyang kentut nih..baunye buseet dah".kontan sholat nyang udah dimulai jadi buyar lantaran bau kentut nyang kagak ketulungan. ane pikir anak nyang tadi gelisah aja tu nyang kentut, eeh taunye kang rojali nyang jadi imam kagak kuat nahan kentut lantaran mau keluar masjid dulu kagak bisa.


udah dah..lanjut ke barang nyang bakal ane mau kasih kali ini. kali ini ane mau bagi nyang namanya buku Adobe photoshop CS3 For Dummies. cocok kan pade ye. buku potoshop buat pemula kalo basa wetannya mah. ini buku tak lain dan tak bukan ngebahas persoalan adobe photoshop cs3, nyang paling baru daro photoshop, dikupas dimari perihal pegimane trik triknye biar bikin gambar nyang oke punya pake photoshop cs3. paling kagak ni buku tetep pada jalur kite yaitu serba gratis. ane sempet pelajarin, enak disimaknye.cuman kalo bisa sih ngaji dulu baru ntar belajar photoshop..itung itung pan ini bulan romadhon.

beda ama buku nyang terdahulu buku photoshop nyang atu ini lebih step by step cara neranginnya, jadi kagak bikin bingung bagi pemula tapi kagak cetek juga buat nyang udah mahir. begono. lagian juga nyang dibahas cs3, jadi ntar nih ngejelasin juga apa apa aje nyang ditambahin di cs3 dibanding potoshop nyang sebelumnye.

udah segitu aja ngejelasin bukunye. nyang selanjutnye giliran temen temen gratisan mania pada nyang download bukunye trus bawa pulang praktekin dah.

Klik download disini !
Semoga Bermanfaat !

0 komentar:

Posting Komentar

 
Design by Free WordPress Themes | Bloggerized by Lasantha - Premium Blogger Themes | Macys Printable Coupons