Alat buat bikin Gambar cover buku

Halooo!!!Salam hangat meresap dah buat temen-temen semuanye..
Ane kangen banget dah ama temen-temen gratisan mania semuanye. pegimane kabarnye? ane doain semoga semua pada sehat wal afiat dan murah rejeki. Amiin.
Belakangan ini ane rada sibuk nyari orderan tambahan nih, maapin aje dah ye, abis pegimana yak bini baru ane ngomel-ngomel mulu tuh. bukannye ane kagak sayang lagi ama temen-temen gratisan mania nyang maunye dapet barang gratisan, abisnye ojekan lagi sepi, order jahitan apalagi. udah dah..nyang ntu dibahas ditempat lain aja dah, kalo temen temen minat, ane buka lapak di deket gang haji mansur..kalo sempet mampir dah, siape tahu temen-temen nemuin nyang dibutuhin. ada bini ane nyang jagain disono. Ane dimari khususon ngasih barang-barang nyang gratisan tapi manjur kasiatnye(maap sih kemaren nitip dua biji barang dagangan taroh dimari..maap lahir batin dah ye).
Perihal barang gratis nyang ane mau bagi sekarang nyok kite bahas.
Ane mampir kewarung temen ane..kebetulan die nih guru paten, ane diceritain panjang lebar persoalan gambar ngegambar, ane iyain ajadah..abis pegimana orang ane kagak mahfum. Lah pulangnya nih ane dikasih oleh oleh nyang katanye bisa buat bikin gambar cover ebook, no contoh hasil bikinan dari ntu barang. asik kan?ane sendiri tuh nyang otak atik..biar kagak ngarti photoshop, dijelasin dikit trus dibantu ama nih barang...nyuss, dalam sekejap jadi dah ntu gambar. Ade banyak macem jenis cover ebook nyang temen-temen bisa cobain. Alaah gampang dah, tinggal pencet start abis tu pencet Go..udah deh jadi. Penasaran pengen nyoba? download aja tuh..didalemnye udah ada panduan cara gunainnye, jadi temen-temen tenang aja dah..download dah

Posted in: Buku Gratis